მაღალი ხარისხის ტაქტიკური გადაწყვეტილებები
საუკეთესო და მდგრადი გადაწყვეტილებების უზრუნველყოფა ჩვენი უმთავრესი მიზანია!
2003 წლიდან ჩვენი გუნდი წარმატებით ამზადებს საიმედო და ეფექტურ პროდუქტებს, მრეწველობის მოთხოვნების ღრმა გააზრებით.
შპს Real-Qaz 2003 წელს დაარსდა და აზერბაიჯანის ტექნიკური გაზების ბაზარზე თავისი პროფესიონალიზმით გამორჩეული ერთ-ერთი კომპანიაა. Real-Qaz ეწევა სამრეწველო, ტექნიკური, სამედიცინო და სპეციალური გაზების, ასევე გაზის ნარევების წარმოებას, გაყიდვასა და მომსახურებას. ჩვენს ქარხანაში წარმოებულ და გასაყიდად გამოტანილ ყველა სახის გაზს ვაანალიზებთ ჩვენს აკრედიტებულ ლაბორატორიაში. უფრო მაღალი სიმძლავრის წარმოებითა და ინტეგრირებული სადისტრიბუციო ქსელით, Real-Qaz მუდმივად ემსახურება მომხმარებლებს, ახორციელებს ოპერატიულ მიწოდებას აზერბაიჯანის, საქართველოსა და შუა აზიის ნებისმიერ რეგიონში. მათ შორის, თბილისში, სტამბოლსა და ტაშკენტში მოქმედი ჩვენი ოფისები უზრუნველყოფენ საქართველოს, თურქეთისა და უზბეკეთის ნავთობ-გაზის, სამშენებლო, სამედიცინო და კვების სფეროში მოქმედი კომპანიების ყველა სახის გაზით მომარაგებას.
ფაქტები მეტყველებს
ციფრები ყველაფერს ნათლად აჩვენებს!
პროდუქტები
წლების გამოცდილება
დასრულებული პროექტები
ვრცლად
Real-Qaz პირველი კომპანიაა აზერბაიჯანში ტექნიკური გაზების სფეროში, რომელიც 2005 წლის 7 დეკემბერს დაჯილდოვდა სტანდარტიზაციის საერთაშორისო ორგანიზაციის (ISO) 9001:2000 სერტიფიკატით, აგრეთვე OHSAS 18001:2007 სერტიფიკატით. კომპანია იყენებს ხარისხის, შრომის ჯანმრთელობისა და უსაფრთხოების და გარემოს დაცვის ინტეგრირებულ მართვის სისტემას, რომელიც შეესაბამება ISO 9001:2015, ISO 14001:2015 და ISO 45001:2018 საერთაშორისო სტანდარტებს.
დამატებით, Real-Qaz აწარმოებს DNV GL 2.7-1 სტანდარტის შესაბამის მანიფოლდიან (კოლექტორულ) და უმანიფოლდო (უკოლექტორო) რეკებს (კონსტრუქციებს). ჩვენი საქმიანობის სფერო მოიცავს 2-დან 50 ლიტრამდე მოცულობისა და 200, 300 და 450 ბარამდე წნევის გაზის ბალონების წარმოებას, საშიში ტვირთების გადაზიდვას, გაზის მოწყობილობების (საჭრელები, რედუქტორები, მანომეტრები) გაყიდვას, LAR (თხევადი არგონი), LIN (თხევადი აზოტი), LOX (თხევადი ჟანგბადი), CO2 ავზების მიწოდებას.
Real-Qaz-ს გააჩნია საგანგებო სიტუაციების სამინისტროს მიერ გაცემული ოფიციალური ნებართვა სხვადასხვა ტიპის ბალონების ჰიდროსტატიკური გამოცდის ჩასატარებლად. ამიტომ, კომპანიას შეუძლია მიიღოს გადაწყვეტილებები გაზის ბალონების ჰიდროსტატიკური გამოცდის აუცილებლობის შესახებ, შემდგომში შესაბამისი სერტიფიკატის წარდგენით.
Real-Qaz-მა თავისი საქმიანობის განმავლობაში მრავალ წარმატებას მიაღწია. მაგალითად, 2006 წლის 22 მაისს მადრიდში, „სავაჭრო ლიდერთა კლუბის“ მიერ ორგანიზებული პროექტის ფარგლებში, 95 ქვეყნის 7000 წევრის ხმის მიცემის შედეგად, Real-Qaz დაჯილდოვდა საერთაშორისო პრემიით „განვითარების ტრაექტორიისა და ბიზნესის სრულყოფისთვის საუკეთესო სავაჭრო სახელი“ (New Millennium Award). ხოლო 2007 წელს კომპანია დაჯილდოვდა BP-ის სამეწარმეო ცენტრის მიერ ჩატარებულ პროექტში „საუკეთესო ბიზნეს ჯილდოები“ (Best Business Awards).
ასევე, 2008 წლის 20 დეკემბერს, შვეიცარიის ქალაქ ჟენევაში, კომპანია, როგორც პროდუქციისა და მომსახურების ხარისხისა და უპირატესობის სფეროში კორპორატიული მიღწევებისა და მათი აღიარების კუთხით განსაკუთრებული დამსახურების მქონე საწარმო, ღირსი გახდა ჯილდოსი „ხუთი კონტინენტის გრანდიოზული ჯილდო ხარისხისა და სრულყოფილებისთვის“ (The Majestic Five Continents Award for Quality & Excellence). ჩვენი კიდევ ერთი მიღწევაა 2014 წელს BP-ის მიერ ხასპიის ნავთობისა და გაზის საერთაშორისო გამოფენის ფარგლებში ორგანიზებულ ღონისძიებაზე „გაიცანი მყიდველი“ (MEET THE BUYER 2014) მიღებული ჯილდო „საუკეთესო შრომის უსაფრთხოების, ჯანმრთელობისა და გარემოს დაცვის (HSE) მაჩვენებლისთვის“ (The Best HSE Performance).
დაბოლოს, უნდა აღინიშნოს, რომ Real-Qaz-ის სასაქონლო ნიშანი 2010 წლის 22 ივნისიდან რეგისტრირებულია აზერბაიჯანის რესპუბლიკის სტანდარტიზაციის, მეტროლოგიისა და პატენტის სახელმწიფო კომიტეტის მიერ.
QHSE პოლიტიკა
